Ağstafa Rayon İcra Hakimiyyətinin başçısı Seymur Orucov öz dinamik idarəçilik yanaşması və bölgənin inkişafına verdiyi töhfələrlə seçilir. O, rayonda geniş abadlıq-quruculuq işləri ilə yanaşı, əhalinin rifah halının yaxşılaşdırılması istiqamətində də ardıcıl və məqsədyönlü addımlar atır.

Rayonda həyata keçirilən səyyar görüşlər və qəbul günləri ilə Seymur Orucov vətəndaşların problemlərini şəxsən dinləyərək onların həllinə çalışır. Xüsusilə şəhid ailələri və qazilərlə bağlı məsələlərə xüsusi diqqət yetirməsi onun bu sahəyə olan həssas münasibətini nümayiş etdirir. Hər bir şəhid ailəsinin və qazinin problemlərinə həssas yanaşan Orucov onların sosial təminatının yaxşılaşdırılması üçün müvafiq tədbirlər görür.

Onun rəhbərliyi ilə Ağstafa rayonu həm kənd təsərrüfatı, həm də sənaye sahələrində mühüm inkişaf mərhələsinə qədəm qoymuşdur. Yeni infrastruktur layihələri, yolların bərpası və geniş abadlıq işləri bölgənin simasını dəyişdirmişdir. Bununla yanaşı, təhsil, mədəniyyət və sosial sahələrdə də müsbət dəyişikliklər diqqət çəkir.

Prezident İlham Əliyevin bölgələrin sosial-iqtisadi inkişafı ilə bağlı verdiyi tapşırıqlarını şərəflə yerinə yetirən Seymur Orucov, dövlət başçısının müəyyən etdiyi strateji prioritetlərin həyata keçirilməsində fəal iştirak edir. Onun təşəbbüsü ilə rayonda müxtəlif sosial və iqtisadi layihələr icra olunmaqdadır.

Sakinlərlə sıx ünsiyyəti, şəhid və qazi ailələrinə göstərdiyi diqqət və rayonun ümumi inkişafı istiqamətində gördüyü işlər Seymur Orucovu Ağstafa rayonu üçün nümunəvi rəhbər kimi tanıdır. Təcrübəli idarəçi kimi onun gördüyü işlər rayonda müasir və dayanıqlı inkişafın təməlini daha da möhkəmləndirməkdədir.