İmişli rayonunda illərdir fəaliyyət göstərən tanınmış karyer sahibkarı Həsən müəllim, təkcə yerli iqtisadiyyatın inkişafına verdiyi töhfələrlə deyil, həm də sadəliyi, dürüstlüyü və əməksevərliyi ilə bölgənin hörmət qazanan simalarındandır.

Onun rəhbərlik etdiyi karyer müəssisəsi İmişli rayonunun tikinti sektorunda etibarlı və davamlı mənbələrdən biri kimi tanınır. Qum-çınqıl istehsalı sahəsində yüksək keyfiyyətə və peşəkarlığa üstünlük verən Həsən müəllim, illərlə formalaşmış təcrübəsi və məsuliyyətli yanaşması ilə bu sahədə böyük inam qazanmışdır.

Əmək kollektivinə olan münasibəti, işçilərin rifahı naminə atdığı addımlar və iş yerində yaratdığı sağlam iş mühiti onun rəhbərlik mədəniyyətini əks etdirən əsas xüsusiyyətlərdəndir. Həsən müəllim üçün təkcə məhsul istehsalı deyil, həm də insanla münasibət önəmlidir. O, həm işçisinə ata, həm də müştərisinə dost kimi yanaşır.

Eyni zamanda, Həsən müəllim sosial məsuliyyət prinsiplərini də hər zaman öz iş prinsiplərinin önündə tutub. Şəhid ailələrinə, qazilərə və aztəminatlı ailələrə göstərdiyi diqqət və dəstək, onun vətəndaşlıq mövqeyinin bariz nümunəsidir. Bayramlarda, əlamətdar günlərdə etdiyi yardımlar, şəhidlərin ailələrinə ziyarətləri və onların problemlərinə laqeyd qalmaması cəmiyyətdə onunla bağlı yüksək rəy formalaşdırıb.

Həsən müəllimin adı bu gün təkcə uğurlu sahibkarlıq fəaliyyəti ilə deyil, həm də insanlara göstərdiyi qayğı və xeyirxah əməlləri ilə çəkilir. O, səssiz-sədasız, sadəcə vicdanla işini görən, lakin iz qoyan insanlardandır. Onun rəhbərlik etdiyi karyer, əslində, İmişlidə əmək və zəhmətin, halal qazancın simvoluna çevrilib.