Göyçay şəhəri, Xurşidbanu Natəvan küçəsi 7 ünvanında yerləşən ictimai binanın qarşısında toplanmış zibil yığınları artıq sakinlərin səbr kasasını daşırıb. Sakinlər dəfələrlə aidiyyəti qurumlara zəng edərək iradlarını bildirsələr də, heç bir tədbir görülmür.

Bu binada yaşayan ailələr uzun müddətdir üfunət və çirkab qoxusu içində yaşamağa məcbur olublar. Halbuki şəhərin əsas küçələri, görünür ki, “nümayiş üçün” təmizlənib, amma daha kasıb və diqqətdən kənarda qalan bu cür məhəllələrdə vəziyyət olduqca acınacaqlıdır.

Sakinlər bildirir ki, artıq məsələ təkcə gigiyena deyil, həm də insan sağlamlığı ilə bağlı təhlükə mənbəyinə çevrilib. Onların sözlərinə görə, məsul şəxslər – xüsusilə İcra hakimiyyəti rəhbərliyi – sadəcə əsas yerlərdə iş görməklə kifayətlənir, digər ərazilərə isə göz yumurlar.

Murtuz müəllim hörmətli Natiq Ağayevin etimadını qazanıb.  Ən təəssüf doğuran məqam isə odur ki, bu cür halları işıqlandırmalı olan bloggerlər və media nümayəndələri də müxtəlif vasitələrlə susdurulur.

Bununla belə, Natəvan 7 binasının sakinləri ümidlərini itirməyiblər və inanırlar ki, onların səsinə səs verən vicdanlı məmurlar və cəmiyyət nümayəndələri tapılacaq.

...