Fransada yoxsulluq son 30 ilin ən yüksək həddinə çatdı
Fransanın “Le Parisien” nəşrinin məlumatına görə, ölkədə yoxsulluq səviyyəsi son 30 ilin rekordunu qırıb.
Fransa uzun illər ərzində əldə etdiyi sosial rifah göstəricilərində geriləmə yaşayır. “Le Parisien” qəzetinin yazdığına görə, hazırkı yoxsulluq səviyyəsi ölkəni 1990-cı illərin əvvəlinə geri qaytarıb.
Ekspertlər bu vəziyyəti artan inflyasiya, enerji qiymətlərindəki yüksəliş və sosial dəstək proqramlarında yaranan çatışmazlıqlarla izah edirlər. Rəsmi rəqəmlər hələ dəqiqləşməsə də, sosial təşkilatlar yoxsulluq həddində yaşayanların sayının ciddi şəkildə artdığını bildirirlər.
