2 iyul tarixinin Azərbaycan hüquq sistemində xüsusi yeri var – bu tarix Azərbaycan Polisi Günüdür. Dövlət və cəmiyyət üçün təhlükəsizliyin, asayişin və sabitliyin qoruyucusu olan Azərbaycan polisinin 107 illik fəaliyyəti bu gün həm təqdir, həm də minnətdarlıqla yad olunur.

Bu münasibətlə, hüquq-mühafizə sistemində yüksək idarəetmə bacarığı, peşəkarlığı və vicdanlı xidmət prinsipləri ilə seçilən Qəbələ Rayon Polis Şöbəsinin rəisi, polis polkovnik-leytenantı Fəxrəddin Abbasovu ürəkdən təbrik edirik.

Fəxrəddin Abbasovun fəaliyyəti Qəbələdə təhlükəsizliyin, ictimai asayişin və vətəndaş rifahının qorunmasında vacib rol oynayır. Onun rəhbərliyi ilə rayonun hər bir bölgəsində hüququn tətbiqi ədalətlə, obyektivliklə və insan yönümlü yanaşmalarla həyata keçirilir. Polis vətəndaşlar arasında məsafəni deyil, qarşılıqlı etimadı əsas tutan bir idarəetmə modelini bərqərar edib.

Fəxrəddin Abbasov eyni zamanda sosial məsuliyyətli yanaşmaları ilə də seçilir. Şəhid ailələrinə, müharibə veteranlarına, aztəminatlı vətəndaşlara göstərilən xüsusi diqqət və qayğı, polis xidmətinin yalnız hüquq qoruma funksiyası ilə məhdudlaşmadığını, eyni zamanda humanist bir dəyərə çevrildiyini nümayiş etdirir.

O, Prezident İlham Əliyevin rəhbərliyi ilə ölkədə formalaşan hüquq və sabitlik mühitinə, eləcə də Daxili İşlər Naziri Vilayət Eyvazovun apardığı islahatlara tam uyğun şəkildə xidmət edir. Bu strateji baxışın bölgədə uğurlu icrası üçün Fəxrəddin Abbasov öz rəhbərlik bacarığı ilə əhəmiyyətli rol oynayır.

Arbkanal.com rəhbərliyi və kollektivi olaraq bu şərəfli gündə Fəxrəddin Abbasovu ürəkdən təbrik edir, onun timsalında Azərbaycan polisinin vətənə sədaqətli, cəmiyyətə məsuliyyətli, xalqa yaxın üzünü təqdir edir və ona gələcək fəaliyyətində yeni-yeni uğurlar arzulayırıq.

Azərbaycan Polisi Günü mübarək!
Qanunun, təhlükəsizliyin və ədalətin keşiyində duranlara dərin ehtiramla!