Qaradağ Rayon Mənzil-Kommunal Təsərrüfatı Birliyinin rəisi Namizəd İsmayılov uzun illərdir ki, bu sahədəki səmərəli fəaliyyəti, prinsipial idarəçilik bacarığı və vətəndaşlara göstərdiyi diqqətlə tanınır. Onun rəhbərliyi altında rayonun mənzil-kommunal sahəsində həyata keçirilən yeniliklər, müasir idarəetmə metodları və sosial yönümlü yanaşmalar Qaradağda insanların gündəlik həyat keyfiyyətini əhəmiyyətli dərəcədə yüksəldib.

Namizəd İsmayılov işinə dərin məsuliyyət hissi ilə yanaşan, rəhbərlik etdiyi kollektivlə bir yumruq kimi çalışan, hər bir tapşırığın yerinə yetirilməsində nümunəvi mövqe sərgiləyən idarəçidir. Onun təşəbbüsü ilə son illər ərzində Qaradağ rayonu ərazisində çoxsaylı abadlıq və yenidənqurma işləri aparılmış, binaların fasadları təmir edilmiş, həyətlər abadlaşdırılmış, küçələrdə işıqlandırma sistemləri yenilənmiş, məişət tullantılarının vaxtında və səmərəli daşınması təmin olunmuşdur.

Eyni zamanda, Namizəd İsmayılov sosial məsuliyyət prinsiplərinə də sadiq qalır. Şəhid ailələri, qazilər və aztəminatlı ailələr daim onun diqqət mərkəzindədir. Onlara göstərilən mənəvi dəstək və gündəlik ehtiyaclarının qarşılanmasında atılan konkret addımlar bir daha təsdiqləyir ki, bu rəhbər üçün insan amili hər şeydən öndədir.

Prezident İlham Əliyevin "Xalq üçün işləyin!" çağırışını əsas fəaliyyət xətti kimi götürən Namizəd İsmayılov, dövlət başçısının tapşırıq və tövsiyələrini də daim rəhbər tutur. O, rayonun inkişafında qarşıya qoyulan hədəflərin reallaşmasına böyük səylə çalışır və bu istiqamətdə konkret nəticələr əldə edir.

Görülən bütün işlər göstərir ki, Namizəd İsmayılov təkcə bir idarə rəisi kimi deyil, həm də xalqın yanında olan, onların ehtiyac və qayğılarına biganə qalmayan, rəhbərlik etdiyi sahədə şəffaflıq, səmərəlilik və məsuliyyət prinsiplərini uca tutan bir şəxsiyyətdir.

Qaradağ rayonunun mənzil-kommunal təsərrüfatında formalaşan yeni idarəçilik modeli, xidmət mədəniyyətinin yüksəlməsi və sakinlərin razılığı Namizəd İsmayılovun əməyi ilə bilavasitə bağlıdır. Bu isə onu rayonun ən etibarlı və uğurlu rəhbərlərindən birinə çevirir.